Bashkëshorti i saj arriti të fitonte Shtëpinë e Bardhë përmes një trajektoreje tejet agresive, që në thelb kishte ngritjen e mureve dhe dëbimin e emigrantëve.
Por edhe ajo është një emigrante. Melania Tramp, 46 vjeçe e ardhur nga Sllovenia me ëndrrën për tu bërë modele, duke realizuar një tjetër më të madhe, të qënit Zonja e Parë e Shteteve të Bashkuara të Amerikës.
Melania Knaus Tramp lindi më 26 prill 1970 në Novo Mesto, pranë kryeqytetit slloven Ljubjana. Në vitin 1996 u transferua në Nju Jork për të punuar si modele. Karriera e saj në pasarelë është e mbushur me suksese, duke qenë shpeshherë kopertina e revistave më prestigjioze si Vanity Fair, GQ dhe Sports Illustrated. Ajo është e para grua e tretë e një presidenti.
Gjatë fushatës së bashkëshortit të saj u publikuan disa foto nudo profesionale të 46-vjeçares, duke shkaktuar mjaft polemika për figurën e saj si Zonjë e Parë e mundshme në atë kohë. Por kjo nuk e ndali aspak marshin presidenciale të Donald Trampit.
Melania u takua me bashkëshortin e saj gjatë një feste në Nju Jork. Fillimisht refuzoi të dalë me të, por në fund “u dorëzua” dhe u fejua me sot presidentin e amerikan në vitin 2004/tvklan
