Neymar ka ndarë me ndjekësit e vet në Instagram një fotografi, të bërë tatuazh, në krahun e tij të djathtë, ku duket fytyra e motrës së tij. E motra ishte këtë javë në një event mode në Sao Paulo. Futbollisti i Barcelonës ka qenë një nga më të respektuarit dhe të kërkuarit në të gjithë të pranishmit e atij “party”. Neymar i kishte kërkuar trajnerit Luis Enrique leje të veçantë për të marrë pjesë në këtë event dhe spanjolli, duke marrë parasysh se lojtari u pezullua për ndeshjen e radhës, e lejoi të shkonte në atdhe.
Po ashtu, Neymar nuk donte të humbiste në asnjë rrethanë ditëlindjen e 20-të të motrës së tij, për të cilin pretendon dashuri dhe admirim të pakushtëzuar. Kjo gjë është demonstruar së fundi nga sulmuesi brazilian duke bërë tatuazh fytyrën e Rafaella, duke e “përjetësuar” motrën e tij në krahun e djathtë. Të premten, lojtari dërgoi një shenjë të re dashurie për të motrën përmes llogarisë në Instagram, që ishte foto-tatuazhi përkatës, poshtë së cilës shkroi edhe disa fjalë: “Zoti të ndiqoftë në të gjithë hapat tuaj. Ju jeni personi më i dashur në botë”.
