Sulmuesi serb që i frikësohet ndeshjes me Shqipërinë!

Në ndeshjen e nesërme midis Shqipërisë dhe Serbisë në formacionin e skuadrës serbe do të jetë edhe një lojtar i quajtur Miralem Sulejmani, i cili ka lindur në komunën Goran të Prishtinës dhe pas eksperiencës disa vjeçare me Ajaksin e Amsterdamit tani luan me fanellën e Young Boys në Zvicër. Lojtari i cili mban jo një mbiemër sllav ka hapur shpesh debate mbi origjinën e tij të vërtetë. Shqiptarët thonë që është i tyri, ndërsa edhe serbët kanë pretendimin e tyre. Në një shkrim të “Kurir” me titullin  “Shqiptarët nuk ndalen . Sulejmani është i yni”, media serbe thotë se kjo është një tjetër formë e pisët psikologjike që liderët shqiptarë po përdorin.  Taulant Seferi shok skuadre te Young Boys me Miralemin flet për gjendjen shpirtërore të sulmuesit serb para ndeshjes me Shqipërinë. “ Kemi folur me të për një ndeshje midis Shqipërisë dhe Serbisë shumë herë. Ka frikë për sigurinë e tij dhe të lojëtarëve serbë në Elbasan Arena. E kam siguruar që tradita e shqiptarëve është të friksojë armikun e tij më të madh. Sulejmani ka një mendim të mirë për ekipin kombëtar shqiptar, i cili konsiderohet të ketë shans reale për tu kualifikuar në Euro 2016.”