26-vjeçari shqiptar që ka ndërruar jetë, si pasojë e një aksidentit tragjik, i cili ndodhi në orët e para të së mërkurës në rrugën Kennedy, në Pianvallico të Firences, është Edjon Kapllani.
Sipas autoriteteve italiane, i riu ishte pasagjer në automjetin që drejtohej nga një mik i tij, 26-vjeçar, ndërsa bashkë me ta ndodhej edhe vëllai 19-vjeçar i Kapllanit, i cili fatmirësisht është jashtë rrezikut për jetën.
Për ngjarjen e rëndë karabinierët e Borgo San Lorenzo vijojnë hetimet por paprakisht dyshohet se të rinjtë po lëviznin me shpejtësi tej normave të lejuara. Sipas tyre një kthesë e gabuar e mbase edhe shpejtësia e lartë, bënë që automjeti të humbte kontrollin dhe të rinjtë të përplaseshin me një pemë.
Mediat italiane shkruajnë se i riu jetonte në Borgo San Lorenzo së bashku me familjen dhe po udhëtonte për në Scarperia, pasi do të shkonte tek e fejuara e tij./Opinion.al
