Në komisionin e pavarur të kualifikimit është duke u zhvilluar seanca për prokurorin e Tirannës Arben Nela, i cili është njëherazi kandidat për Këshillin e Lartë të Prokurorisë.
Në deklarimin e pasurisë Nela rezulton të ketë marrë shuma të mëdha borxhi, nga motra e gruas së tij. ILDKPI ka thënë se prokurorit i është gjetur deklarim i pasaktë, ndërsa vetë Nela e ka mohuar këtë, duke thënë se raporti ishte i shtrembëruar.
“Kam deklaruar saktesisht pasurite, nuk kam kryer fshehje dhe deklarim të rremë”,- ka thënë Nela.
Personi huadhënës është motra e bashkëshortës, e cila sipas tij ka patur të ardhura me burime te ligjshme. Nga viti 2000 deri në 2006 ka patur një shumë prej 270 mijë euro me burime të ligjshme.
“ILDKPKI ka paraqitur një raport në kundërshtim me ligjin e vetingut, pasi ka dalë në perfundimin se kam kryer deklarim të rremë. Raporti është i shtrembëruar, nuk janë kryer analiza financiare për të analizuar mungesën e burimit te ligjshëm. ILDKPKI në kundërshtim me ligjin e vetingut ka përfshirë ne hetimin pasuror vëllezerit e mi”- ka thene ai. (Fax News)
