Një person është paraqitur i plagosur me armë zjarri në spitalin e Pogradecit. Mësohet se i plagosuri është identifikuar si Joan Muçollari, teksa po merr ndihmën e parë nga mjekët.
I plagosuri ka deklaruar se është qëlluar me armë zjarri nga dy persona, të cilët janë larguar nga vendi ngjarjes. Ndërkohë, policia ka identifikuar autorët F. B. dhe G. M. dhe po punon për arrestimin e tyre.
Plagosja në Pogradec ka ndodhur si pasojë e një konflikti disavjeçar mes personave me precedentë kriminalë. Ngjarja sot dyshohet se ka lidhje me atentatin e dy viteve me parë ku u qëllua drejt hotel Voloreka ndërkohë që ishte i mbushur me pushues.
I plagosuri i ditës së sotme është djali i pronarit të hotelit, i cili u dyshua si shënjestër e atentatit të mëparshëm. Dyshimet për ditën e sotme janë se njëri nga autorët është një nga personat e përfshirë edhe në atentatin e vitit 2020.
