Shumë pak këngë janë kaq shumë të lidhura me një klub futbolli sa ç’është “You’ll Never Walk Alone” me Liverpool.
Një himn i përbashkët i triumfit mbi fatkeqësinë, që duket veçanërisht i përshtatshëm për tifozët që nuk i humbin shpresat teksa bashkohet me njëri-tjetrin duke
kënduar. Megjithëse kënga ka dalë nga Broadway, në muzikalin “Carousel” të Rodgers dhe Hammerstein. Versioni më i njohur i këngës
është ai i Gerry and the Pacemakers, edhe ata nga qyteti i Liverpool.
“Anfield” është një nga ekipet e para që ka pasur një DJ në stadium, dhe tifozët e pranishëm do të këndonin këngët e fundit, shumicat të
dala nga grupe muzikore vendase si The Beatles, Cilla Black dhe Gerry and the Pacemakers, përpara se të fillonte ndeshja. “You’ll Never
Walk Alone” hyri në dhjetëshen e këngëve më të kënduara në “Anfield” në 19 tetor të vitit 1963, dhe atë ditë mund të ketë qenë hera e parë
që tifozët e kanë kënduar në stadium. Gerry Marsden dhe shokët e tij, me siguri që kanë ndikuar në kthimin e këngës në një himn tifozësh,
megjithëse disa tifozë mbajnë mend që kënga është kënduar përpara se ai ta regjistronte.
Sipas tyre, tifozët e Liverpool e kanë kënduar në 27 prill të vitit 1963, gati gjashtë muaj përpara se versioni i Gerryt të pushtonte renditjet
muzikore. Po si ka mundësi? Epo, “You’ll Never Walk Alone” është kënduar nga familja e aktorit kryesor të “Carousel” Billi Bigelow, i cili
humbi jetën gjatë një vjedhjeje, kënga u bë e njohur që kur doli në fillim. Në vitin 1956, “Carousel” u kthye në një film të njohur, dhe “You’ll
Never Walk Alone” u këndua edhe nga këngëtarë të famshëm si Frank Sinatra, Doris Day dhe Shirley Bassey, kështu që tifozët e kanë
njëhur përpara se Garry ta këndonte.
Cilido të ketë qenë inspirimi, nga viti 1965 kënga mund të dëgjohej nëpër të gjithë stadiumin e “Wembley” nga tifozët e Liverpool gjatë
finales së FA Cup kundër Leeds, teksa komentuesi i ndeshjes Kenneth Wolstenholme e quajti këngën si “himnin e Liverpoolit”. Më vonë u
adoptua edhe nga tifozët e Celtic, pas një ndeshje që ata luajtën në “Anfield”, ajo gjithashtu këndohet edhe nga tifozët e Borussia Dortmund
dhe disa ekipe të tjera. Por “You’ll Never Walk Alone” do të njihet dhe mbahet mend si himni i Liverpool.
