Kreu i Partisë Demokratike, Lulzim Basha, deklaroi në konferencën për mediat të mbajtur ditën e sotme se Kryeministri Edi Rama po bën gati kurbanin e radhës për çështjen e Inceneratëorëve.
I pyetur nga gazetarët se cili është ministri për të cilin flet, Basha u shpreh se nuk mund ta parashikojë këtë gjë por theksoi kushdo që të jetë pas kësaj afere fshihet Edi Rama.
“Komisioni Hetimor do të vazhdojë punën ndryshe nga sa shpresonte Edi Rama. Komisioni do të vazhdojë punën. Puna e komisionit do të nxjerrë qartë emrat. Cilin do bëjë kurban Edi Rama është në dorë të Ramaës nuk mund ta parashikoj. Ne do i shkojmë deri në fund. Dita që Rama të japë përgjegjësi para drejtësisë për këtë aferë do të vonojë por nuk do të mungojë”, tha Basha.
Ai i bëri thirrje SPAK që të mos presin që kryetari i bashkisë apo ministri i radhës të japë dorëheqjen por t’ia vënë prangat në zyrë.
“Thirrja që i drejtoj SPAK është mos prisni që të japë dorëheqjen ministri i radhës por vijani prangat në ministri. Mos prisni të japë dorëheqjen kryebashkiaku i radhës. Vijani prangat në zyrë. Edhe socialistëve u ka ardhur në majë të hundës. Inceneratorët janë pisllëku i qeverisë”, u shpreh ai.
