49-vjeçari që qëlloi me breshëri automatiku të dielën në mëngjes shtëpinë e një bashkëfshatari, duke e lënë atë të plagosur me një plumb në shpatull, është Vesel Vuçinaj, kryetar i degës së Partisë Socialiste në Kelmend.
(Foto e publikuar nga lapsi.al: autori i plagosjes Vesel Vuçina)
Policia tha se nga hetimet paraprake ka rezultuar se si pasojë e një konflikti për motive të dobëta, shtetasi Vasel Vuçinaj ka qëlluar me armë zjarri në drejtim të banesës së shtetasit M.Ç, 51-vjeç, i cili mbeti i plagosur në shpatull.
Mësohet se i plagosuri është dërguar menjëherë drejt spitalit për të marrë ndihmën e duhur mjekësore dhe paraprakisht ndodhet jashtë rrezikut për jetën.
Policia ka sekuestruar në cilësinë e provës materiale armën e zjarrit automatik, si dhe në vendngjarje nga kqyrja u gjetën edhe 12 gëzhoja.
