Prokurorët amerikanë kanë ngritur akuzën për terrorizëm ndaj emigrantit nga Uzbekistani që përplasi me kamionçinë këmbësorët dhe çiklistët në Nju Jork.
Sayfullo Saipov 29 vjeç akuzohet gjithashtu edhe për sigurimin e materialeve dhe burimeve për grupin terrorist të Shtetit Islamik. 29-vjeçari u qëllua dhe u plagos nga policia në vendin ku ndodhi sulmi dhe u dërgua në spital. Ai ndodhet jashtë rrezikut për jetën. 29-vjeçari vazhdon të merret në pyetje nga hetuesit.
Ndërkohë, presidenti amerikan Donald Trump shkroi në Twitter duke thënë se autori duhet të marrë dënim me vdekje.
Gjatë sulmit në Nju Jork dy ditë më parë, 8 persona humbën jetën në vendngjarje ndërsa dy të tjerë në spital. Dymbëdhjetë vetë u plagosën, 9 prej të cilëve vazhdojnë të qëndrojnë në spital.
