Prokuroria e Durrësit nxori mbrëmë urdhër-arrestin për drejtorin dhe juristin e burgut të Durrësit, konkretisht Astrit Kotaj (drejtor) dhe Teodor Labi (jurist) të dyshuar për veprën penale të “Shpërdorimit të detyrës” dhe “Falsifikimit të dokumenteve”. Ata dyshohet se kanë llogaritur gabim vitet e burgut për Lulëzim Berishën. Policia ka arrestuar drejtorin e burgut Astrit Kotaj, ndërsa juristi është shpallur në kërkim.
Prokuroria ka arritur në konkluzionin se i dënuari Lulëzim Berisha duhej të kryente edhe të paktën 2 vjet e 7 muaj burgim, para se të mund të përfitonte nga parashikimet ligjore për lirimin me kusht.
Nga ana e forcave të Policisë së Shtetit është ekzekutuar urdhri i prokurorisë për arrestimin e drejtorit te burgut, Astrit Kotaj, pas caktimit të masës së sigurisë “arrest me burg”, vendosur nga ana e Gjykatës, ndërsa është në kërkim juristi Teodor Labi.
Teodor Labi është djali i Iljaz, Labit, ish-nën drejtor i përgjithshëm i Burgjeve, i arrestuar në muajin korrik për korrupsion me tenderat e ushqimeve.
Prokuroria e Durrësit ka krijuar dyshime të arsyeshme se zyrtarët, në bashkëpunim me njëri-tjetrin kanë konsumuar elementet e veprave penale te “Shpërdorimi i detyres” dhe “Falsifikimi i dokumentave” të parashikuara nga nenet 186/3 dhe 248 të K.Penal.
Pas arrestimit, ministri i Drejtësisë, Ylli Manjani ka shkarkuar nga detyra drejtorin e burgut, ndërsa deklaron se “Nxis prokurorinë për zbardhjen e të vërtetave që shqetësojnë opinionin publik” deklaron ai.
Dhjetë vite pas arrestimit të tij në Maqedoni e më pas ekstradimit drejt Shqipërisë ku ishte në kërkim për një sërë krimesh, Lulzim Berisha i njohur si ish-kreu i Bandës së Durrësit fiton lirinë.
*Në foto, jurisit Teodor Labi
