Detaje të reja janë zbuluar nga atentati i ndodhur mbrëmjen e sotme në qytetin e Lezhës.
Blerim Preçi, 28 vjeç, nga Miloti dhe Klisman Preçit po udhëtonin makinë kur ndaj tyre u qëllua me breshëri kallashnikovi.
Shënjestër i këtij atentati dyshohet se ishte Blerim Preçi, i cili kishte pak ditë që ishte kthyer nga Belgjika.
Policia bëri me dije më herët se si pasojë e të shtënave nuk ka patur të lënduar. Dy të rinjtë janë shoqëruar në polici ku po japin dëshminë e tyre për ngjarjen.
Motivet apo autorët e kësaj ngjarjeje nuk dihen ende. Ndërkohë janë ngritur pika kontrolli si dhe po bëhet krehja e zonës me qëllim kapjen e autorëve.
