Burime nga grupi hetimor që po heton dosjen “Shullazi” thonë se një grua e akuzon të arrestuarin për përvetësimin e një prone.
Ajo thotë në asaj i është marrë një pronë me vlerë një milionë euro.
Në kallëzim thuhet se prona është regjitruar në emër të Gilmando Danit dhe kjo sipas denoncueses është bërë duke kërcënuar gjyqtarin.
Për momentin Prokuroria nuk bën publik idetitetin e gruas për shkak të sekretit hetimor.
Gjithshtu edhe vendndodhja e pronës konsiderohet si sekret.
Kallëzimi vjen në një kohë, kur avokatët mbrojtës të Shullazit i janë drejtuar Gjykatës së Apelit për Krimet e Rënda për ndryshimin e masës së sigurisë. Kërkesë kanë bërë edhe dy miqtë e tij dhe kërkesat pritet të shqyrtohen javën e ardhshme.
Ata kërkojnë lirim nga burgu, me pretendimin se Prokuroria nuk ka prova dhe as kallëzime.
Por duket se kallëzimi i gruas për përvetësimin e pronës do të ndryshojë rrjedhën e hetimit për grupin e Shullazit.
Sipas Prokurorisë, Shullazi ishte ai që kërcënoi edhe akademikët Dhori Kule e Mynyr Koni, si dhe u ka vënë gjobë të paktën 3 biznesmenëve të njohur.
Por asnjëri prej tyre nuk ka bërë kallëzim.
Kuke e Koni kanë deklaruar se nuk i njohin personat që i kërcënuan, ndërsa biznesmenet kanë mohuar që të kenë paguar gjoba tek Shullazi. /tv Klan
