TIRANË- Deputeti i padëshiruar tashmë nga PS-ja, Armando Prenga qëndroi për dy muaj në paraburgim për sherrin e Lgaunës së Patokut. Ai do të shohë sot lirinë. Pas disa kërkesave nga ana e avokatëve, Gjykata e Lartë vendosi qe Armando Prengës t’i ndryshohet masa e sigurisë nga “arrest në burg” në “arrest shtëpie”.
Relatorja e këtij procedimi penal, është gjyqtarja, Mirela Fana bashkëshortja e Neshat Fanës, avokatit të njohur. Ajo lexoi vetëm dispozitivin, ndërsa vendimi i plotë pritet të zbardhet në faqen online të gjykatës. Sipas burimeve te Opinion.al Fana ka qene e vetmja qe ka votuar pro arrestit per Prengen nderkohe qe 4 gjyqtaret e tjere kane votuar per daljen e tij nga qelia. Vendimi eshte marre 4 me 1!
Edhe pse prokuroria e akuzon për plagosje Armando Prengën, avokatët thanë se asnjë nga dëshmitarët apo policët e komisariatit të Kurbinit nuk e ka parë deputetin të qëllojë mbi anëtarët e familjes Cali.
Por edhe pse në gjendje të lirë, Armando Prenga do të gjykohet për tre akuza: Plagosje me dashje, armëmbajtje pa leje dhe kanosje. Burime nga prokuroria thonë se së shpejti dosja e plotë do të shkojë në gjykatë.
