Sot është dorëzuar në Gjykatën për Krime të Rënda pjesa e parë e dosjes 339. Shorti ka përcaktuar gjyqtarin Fran Prendi për seancën paraprake e cila do të përcaktojë nëse kjo dosje do të kalojë për gjykim ose jo.
Kujtojmë se Predi është gjyqtari që dënoi me 55 vite burg bandën e Emiliano Shullazit, duke i dhënë këtij të fundit dënimin me 14 vjet heqje lirie.
Deri më tani në dosjen 339 janë përcaktuar 12 të pandehur nga prokuroria. Ata janë: Ramadan Dushaj, Rezart Çaçani, Fatbardh Gostini, Neritan Saraçi, Ardit Haxhagiqi, Gentjan Marku, Oltion Noka, Fation Marku, Samuel Ndoka, Vilson Ndoka, Elis Guri, Luan Boça.
Ndërkohë në hetim vijon të jetë dosja 339/1 e cila përfshin në hetim shit-blerjen e votave. Në lidhje me këtë dosje, kryeprokurorja Arta Marku tha pak ditë më parë se së shpejti do të ketë një vendimarrje. Objekti me interes kryesor për këtë dosje është përfshirja e zyrtarëve të lartë me persona të inkriminuar.
Prej kohësh opozita pretendon se në dosjen 339 dhe 184 ka fakte se kryetari i Bashkisë Durrës, Vangjush Dako dhe deputeti socialist Damian Gjiknuri, janë të përfshirë në blerjen e votave. /Opinion.al
