TIRANË- Në kohën kur e gjithë Policia e Shtetit kërkon ta arrestojë për vrasjen e Linzes, Ervis Martinaj dënohet me tre muaj burg nga Gjykata e Tiranës. Ai u shpall fajtor për organizim të palejuar të llotarive të pakten 12 herë në kryeqytet. Gjatë këtij viti po kjo gjykate e ka dënuar 33-vjecarin dy herë me gjobë për të njejtën akuzë.
Prokuroria e akuzon Martinajn për veprën penale të “orgazimin e paligjshëm të lojërave të fatit”. Sipas prokurorit Endrit Bime të paktën në 12 raste, Ervis Martinajt i është dokumetuar akuza duke i sjellë miliona lekë dëm buxhetit të shtetit. Në sallë Martinaj u mbrojt nga nja avokat i caktuar nga shtetit pasi asnjëherë nuk ka qënë i pranishëm në këtë gjyq.
33-vjecari është dënuar dhe dy herë të tjera për të njëjtën akuzë me gjobe, gjatë këtij viti. Per shkak se është përsëritës, këtë herë prokuroria kërkoi dënimin me burg.
Por Ervis Martinaj nuk është i dënuar vetëm për lojërat e fatit, ai konsiderohet nga policia si person tepër i rrezikshëm pasi dyshohet për dy vrasje të bujshme. Ndërkohë në kulmin e operacionit të lojërave të fatit kërcënoi një zyrtar të lartë policie se do ta vriste. Burimi: TVKlan
