Kronikë

Kush është Elona, vajza nga Durrësi e arrestuar për vrasjen e çiftit Pasho


Bëhu pjesë e Grupit Zyrtar të Opinion.al
>> KËTU <<
               Publikuar në : 12:40 - 22/12/20 |
Doriana Çepunaj

Vajza që shfaqet në foto është 36-vjeçarja, Elona Kalesha, ish-e dashura e Taulant Pashos e arrestuar këtë të martë nga Policia Italiane me akuzën e vrasjes së çiftit shqiptar në Itali, Shpëtim dhe Teuta Pasho.

Elona Kaleshi akuzohet për vrasje, fshehje dhe masakrim të trupave të dy bashkëshortëve.

Më herët, vajza e çiftit Pasho, Vitorja pohoi se personi i fundit që takoi prindërit ishte ish-e dashura e vëllait të vetëm Taulantit, Elona, por kjo e fundit e ka kundërshtuar.

Çifti Pasho është vrarë në shtëpinë ku ata qëndronin në një banesë me qira, muajin e fundit. Ata janë masakruar dhe vendosur në katër valixhet e gjetura në afërsi të burgut Solliciano. Sipas të dhënave, Shpëtim Pasho është vrarë me thikë, në kohën kur ai po flinte gjumë, prandaj në trupin e tij nuk ka shenja dhune.

Ndërkohë që Teuta Pasho, është rrahur për vdekje, dëshmi për një gjë të tillë janë hematomat dhe kockat e thyera të gruas. Në momentin e vrasjes çifti ka qenë i veshur me pizhame, gjë e cila tregon se ata janë sulmuar në momentin që ishin në gjumë.

Pas vrasjes trupat e tyre mësohet se janë prerë me sharrë elektrike dhe janë mbështjellë me materiale të ndryshme. Gjendja e mbetjeve të dy viktimave, të cilat nuk ishin të konsumuar në një shkallë të madhe, theksojnë ekspertët tregon se mund të jenë mbajtur në frigorifer për disa kohë./ Opinion.al

Pas