Eleni Fureira, sot, është një prej këngëtareve të mira në Greqi. Shqiptarja ka pozuar nudo për kopertinën e revistës “Down Town”. Kryetitulli i intervistës së saj është “Jam krenare që jam shqiptare!”.
Për ata që emrin e Elenit e kanë dëgjuar vitet e fundit, natyrisht që do i pëlqente deklarata e saj. Mirëpo 29 vjeçarja ka vite që është pjesë e industrisë së muzikës në vendin fqinj, e vetëm para dy vitesh ka pasur guximit të pranojë origjinën e saj, shkruan opinion.al.
Lind natyrshëm pyetje a është vërtetë krenare Eleni për origjinën e saj apo fshihet dicka tjetër pas kësaj.
Emri i saj i vërtetë është Entela Furerai,vajza e Kristaq dhe Marjeta Furerai, me origjinë nga Fieri. Ajo bashkë me familjen e saj emigruan në Greqi për një të ardhme më të mirë si shumë qytetarë të tjerë.
Eleni pati fatin dhe filloi karrierën në muzikë në vitin 2007, fillimisht si pjesë e grupi të përbërë prej tre vajzash “Mystiqye”.
Më vonë në vitin 2010, kur arriti të spikaste vazhdoi karrierën solo.
Këngëtarja menjëherë u bë objekt në mediat rozë për pamjet e saj tërheqëse, flokët tepër të veçanta si dhe për mbiemrin jo të dëgjuar.
Në intervistat e para ajo tregonte se është nga Athina, ndërkohë që mbiemri i familjes së saj ka origjinë meksikane, shkruan opinion.al.
Të paktë ishin ata që e besuan për origjinën. Për vite me radhë, ndërkohë që Fureira po ndërtonte një emër të rëndësishëm në Greqi, mohonte origjinën shqiptare.
“Nuk jam meksikane apo ndonjë gjë tjetër. Jam nga Athina. Nëse do më quanin Eleni Papadopulu, nuk do kishte ndonjë problem. Mund të mos flasim më farë për këtë temë?!” – kështu shprehej ajo në një intervistë në vitin 2011.
Në këtë kohë mediat në Greqi e përdorën deklaratën e saj duke e “kryqëzuar” me një ironi therëse.
https://youtu.be/W8pyTtxN8A8
Megjithëse në atë kohë ishte tepër e famshme, sërish vazhdonte të mohonte origjinën nga jugu i Shqipërisë.
Në muajt e fundit të 2014-ën Eleni vendosi që do ti tregonte botës për origjinën e vërtetë.
“Kam vuajtur shumë racizëm si në shkollë ashtu dhe kur fillova të këndoja. Kjo më bëri më të fortë. E fsheha origjinën time sepse kur shkoja nëpër audicione nuk më pranonin se në atë kohë ishte tabu origjina shqiptare!”- deklaronte ajo.
Ndërsa sot, ashtu siç ju treguam edhe më sipër, 29 vjeçarja ndihet krenare për faktin se është shqiptare. Mos është kjo një lëvizje e zgjuar marketingu?
Mos ndoshta pas suksesit në Greqi, Eleni dëshiron të hyjë edhe në muzikën e vendit tonë? Apo tashmë ajo është kaq e famshme sa nuk e vuan më kompleksin e origjinës?/ përgatiti opinion.al
