Një tjetër nga kandidatët e Partisë Demokratike ka pranuar mandatin e deputetit. Korab Lita ka dorëzuar në KQZ formularin e dekriminalizimit, duke pranuar kështu zyrtarisht të marrë mandatin. Ai ndodhet i 21-ti në listën e kandidatëve dhe do të zëvendësojë Dashamir Shehin.
Seanca plenare e kësaj të enjteje ka nisur me betimin e dy deputetëve më të rinj të Kuvendit. Nga lista shumëemërore e PD për qarkun Vlorë është betuar Adriatik Alimadhi, duke zëvendësuar kështu Agron Shehajn.
Edhe Arben Elezi, po nga listat e PD në qarkun Elbasan ka bërë betimin në Kuvend, duke zëvendësuar Edmond Spahon.
Të dy u mandatuan një ditë më parë nga KQZ, bashkë me Amra Borovën nga listat e LSI të qarkut Shkodër, duke zëvendësuar Agron Çelën. Borova nuk u paraqit sot në seancë, për arsye objektive sipas kreut të kuvendit e betimin do ta kryejë në një seancë të ardhshme./Opinion.al
