Një ngjarje e rëndë është regjistruar ditën e sotme në plazhin e Potamit, ku efektivi i policisë, tashmë i përjashtuar, Arjan Tase përplasi me skaf për vdekje një vajzë 5 vjeç.
Ky që shihni në foto është Arjan Tase, personi që përplasi për vdekje fëmijën, i cili mbante detyrën me gradën Komisar dhe me detyrë Shef i Seksionit të Policimit në Komunitet në Komisariatin e Policisë Elbasan. Pas ngjarjes, Drejtori i Pëtrgjithshëm, Gledis Nano e përjashtoi nga rradhët e policisë.
Aktualisht, shtetasi Arjan Tase ndodhet i shoqëruar në Komisariatin e Policisë Himarë. Agjencia e Mbikëqyrjes Policore nën drejtimin e Prokurorisë së Rrethit Gjyqësor Vlorë ka ngritur menjëherë një grup të posaçëm hetimor për hetimin dhe zbardhjen e plotë të kësaj ngjarje.
Ndëkrohë, fëmija është identifikuar me inicialet J.A., lindur e banuese në Angli. Mësohet se familja e vajzës 5 vjeçe që ndërroi jetë nga forca e përplasjes me mjetin lundrues jeton prej vitesh në Angli. Familja Avdia që pësoi një tragjedi të vërtetë teksa ndodhej me pushime në Himarë është me origjinë nga Tropoja.
