Personi që u plagos mbrëmë në Tiranë është Mishel Manoku. Ai ka luajtur në filmin “Saimir”, si djali i Xhevdet Ferrit.
Ngjarja ka ndodhur mbrëmë pranë gjimnazit Partizani dhe ndodhet i plagosur në spitalin e Traumës. Kur është pyetur për emrin në momentin e parë që ka mbërritur në urgjencë ka dhënë një emër të rremë, duke thënë se quhej Nishe Prendi. Burime nga Policia thanë se i plagosuri ka paraqitur nje karte identiteti me emrin Edison Delia, por ka dyshime te forta qe edhe ky identitet eshte i rreme, shkruan gazeta Panorama.
Dyshohet se Manoku ka fshehur identitetin pasi ishte person i shpallur në kërkim.
Dëshmitarët kanë denoncuar në polici se kanë dëgjuar 7 të shtëna arme zjarri dhe më pas kanë gjetur të plagosur një person, i cili ndodhej i shtrirë në krah të një automjeti të parkuar.
Burimet thanë se fillimisht u dyshua për një atentat të mundshëm. Ndërsa i plagosuri u dërgua me urgjencë në Spitalin e Traumës.
Sipas mjekëve, i riu ka dy plagë armë zjarri dhe i është nënshtruar një operacioni dhe e ka kakuar rrezikun për jetën.
Informacioni paraprak nga Policia:
Më datë 20.07.2017, rreth orës 21:11, në numrin e Emergjencave 112, ka ardhur telefonatë për të shtëna me armë në afërsi të gjimnazit “Partizani”.
Në vendngjarje kanë mbërritur shërbimet e policisë dhe ambulanca.
Nga verifikimet paraprake ka rezultuar se në rrugën “4 Dëshmorët”, është gjendur një shtetas i shtrirë dhe i gjakosur i cili është transportuar në spitalin “Ushtarak”, ku ndodhet nën kujdesin e mjekëve.
Në vendin e ngjarjes janë sekuestruar gëzhoja të qitura nga armë e llojit pistoletë.
Janë ngrit pika kontrolli në hyrje dalje të zonës dhe vazhdon krehja e territorit.
Grupi hetimor po vazhdon punën për saktësimin e gjeneraliteteve të të plagosurit dhe zbardhjen e shkakut dhe rrethanave të ngjarjes.
