Një persona ka mbetur i vdekur gjatë një aksidenti të ndodhur ditën e sotme në aksin rrugor Korçë-Pogradec.
Mësohet se aksidenti ndodhi në fshatin Leshnicë, ku janë përplasur dy automjete tip “Golf” dhe “Benz”, për pasojë ka ndërruar jetë drejtuesi i “Golf”, Agron Qamo, 53 vjeç, banues në Kamëz.
Ndërsa janë plagosur Danjel Hyka, 32-vjeç, i cili ishte drejtuesi i një prej automjeteve, Fiqirete Qamo, 49-vjeç, Gentjana Akballa dhe një i mitur, 10 vjeç, me inicialet K.A, ata janë transportuar në spital për të marrë mjekimin e nevojshëm.
Ndërkohë, policia ka mbërritur në vendngjarje dhe po punon për zbardhjen e plotë të aksidentit.
Njoftimi i policisë
Më datë 15.09.2019, në aksin rrugor Korçë-Pogradec, në afërsi të fshatit Leshnicë, ka ndodhur një aksident automobilistik, ku janë përplasur mjeti tip “Golf”, me mjetin tip “Benz” me drejtues shtetasin D.H.
Për pasojë, ka ndërruar jetë, drejtuesi i mjetit tip “Golf” dhe janë transportuar në Spital për mjekim 4 shtetas, ndër të cilët tre pasagjerë të mjetit tip “Golf”, si edhe drejtuesi i mjetit tip “Benz”, shtetasi D.H, të cilët ndodhen nën kujdesin e mjekëve.
Grupi hetimor po punon për zbardhjen e rrethanave të ngjarjes dhe përcaktimin e shkaqeve të aksidentit./ Opinion.al E.Xh
