E quajnë Messi i Avellaneda dhe është vërtetë shumë shpejt, por Lucas Patanelli, 16 vjeç, talenti i Independiente, është personazhi i
merkatos. Tashmë është e ditur që klubet e mëdha, për të evituar ankandet e shtrenjta multimiliardere, janë të detyruara të synojnë dhe të
zbulojnë talented e reja, para se ata të debutojnë me ekipet e para. Problemi me futbollistin në fjalë është se “Luquitas”, sikurse njihet 16
vjeçari, kërkohet tashmë prej shumë klubesh dhe ankandi për atë, mund të ketë nisur. Në mos qoftë i vërtetë lajmi i qarkulluar nga
agjanecia spanjolle “Efe”, sipas të cilës tashmë mes Barcelonës dhe talentit 16vjeçar është nënshkruar një parakontratë.
Verën e kaluar, kur Patanelli ishte ende 15 vjeç, në spanjë dolën fjalë për një tjetër parakontratë, asaj kohe gjoja të lidhur me Real Madrid. E
vërtetë është se asaj kohe djaloshi erdhi në Spanjë për të vizituar Casa Blanaca. Tashmë duket se Barça ka parakaluar rivalët e
përhershëm duke paguar shumën prej 3.5 milionë euro për gjysmën e vlerës së kartonit të 16vjeçarit. Nga ana e tij, vetë klubi i sanksionuar
më parë nga UEFA për federimin e futbollistëve minorenë, ka përgënjeshtruar lajmin, por duket se takimet në Argjentinë mes të dërguarve
të klubit “blaugrana” dhe atyre të Independiente, janë zhvilluar. Patanelli i intereson edhe skuadrave të tjera të mëdha si Chelsea, Porto
dhe Arsenal. Është pikërisht ky motivi pse dy klubet e mëdha spanjolle po përshpejtojë përpjekjet e tyre në konkretizimin e procedurave.
Thuhej se ishte Messi i ri, por njëherësh edhe Aguero i ri, mbase për faktin se edhe Kun, e nisi te Independiente. Në Argjentinë, Patanelli i
datëlindjes 2000 konsiderohet një “puro enganche”, çka do të thotë një puro numër 10, për tu vendosur pas dy sulmuesve, por është e
qartë se pozicioni i tij nuk do të jetë definitiv, të paktë jo deri sa të testohet në klubet e mëdha. Që tani ai numëron një rekord të thyer që në
moshën 10vjeçare, kur u bë pjesë e “Footboys”, të rinjtë ekzibicionues të Argjentinës, të cilët bëjnë shfaqje në stadiumet e vendit gjatë
pushimit të ndeshje. Asaj kohe, Patanelli ishte më i vogli dhe dhuronte spektakël. Vërtetë i vogël, por i shkathët, me topin të gnjitur pas
këmbe. “Roveshata, kalime të topit mes shalëve, driblime, i realizon të gjitha në mënyrë të natyrshme dhe instiktive”, tregon për “Marca”
Francisco Lavdas, trajneri që e përgatiti te Crucecita Este, për 7 vite. Në fakt, nëse kërkohet nga Barça dhe Real, vërtetë duhet të ketë një
motiv të bindshëm…
