Jo ushtria ruse, siç besojnë shumë. Ruleta ruse është një shpikje letrare e shekullit të 19-të, e ringjallur në një roman zviceran të vitit 1937.
Loja e rrezikshme vdekjeprurëse shpesh shoqërohet me kulturën ruse, por ka të ngjarë të jetë një shpikje letrare. Teoria më e përhapur është se origjina e kësaj praktike daton që nga një roman i vitit 1840 nga shkrimtari rus Mikhail Yuryevich Lermontov.
Në tregimin “Një hero i kohës sonë”, personazhi i Toger Vuliçit, një oficer në dragonjtë e Carit, pranon një bast për të vërtetuar se fati nuk ekziston. Pastaj ai mbush një pistoletë, e drejton në tëmth dhe tërheq këmbëzën, por arma nuk shkrep. Menjëherë pas kësaj, për të vërtetuar se pistoleta ishte e mbushur, ai synon dhe qëllon një beretë.
Megjithatë, nuk ka prova që kjo praktikë përdorej në të vërtetë në qarqet ushtarake. Ideja e ruletës ruse u ringjall në vitin 1937 në romanin me të njëjtin emër nga shkrimtari zviceran Georges Surdez, dhe mbi të gjitha është ky version që ka përcaktuar idenë moderne të lojës vdekjeprurëse.
Historia flet për dy ushtarë të Legjionit të Huaj Francez, të cilët, për të luftuar mërzinë, shkëmbejnë një revolver të mbushur me nga një plumb të vetëm: secili prej tyre, me radhë, e drejton atë në kokën e vet dhe tërheq këmbëzën, duke sfiduar vdekjen me çdo të shtënë.
