Largimi i Besa Shahinit nga posti ministres së Arsimit ishte një nga lajmet kryesore të ditës së sotme.
Pas njoftimit të largimit nga kabineti qeveritar, Shahini është shprehur se për këtë vendim ka folur me kryeministrin Edi Rama që në muajin korrik. Në këtë mënyrë, Shahini la të nënkuptohej se largimi nga posti i ministres ishte bërë me dëshirën e saj.
Ndërkohë, për largimin e Besa Shahinit nga posti ministres së Arsimit ka folur dhe kryebashkiaku i Tiranës, Erion Veliaj. Gjatë një interviste televizive, Veliaj është shprehur se ky është një vendim ekskluziv i kryeministrit Edi Rama duke ka të drejtën e ndryshimeve të ministrave.
“Ky është një vendim ekskluziv i Ramës, siç është e drejta e Edi Rejës të ndryshojë skuadrën e tij. Më duket më se normale, që teksa futemi në fushatë, ata që s’do jenë pjesë e saj, të kalojnë stafetën te dikush që do jetë pjesë e fushatës. Besoj se secila prej ministreve tona të Arsimit, edhe Evisi që i uroj suksese, krahasuar me ata që s’kanë ndërtuar asnjë shkollë, janë dita me natën. Trajneri i ekipit tonë ka zgjedhur të bëjë një ndërrim të fundit të ndeshjes. Tentativa për të bërë gjëra ndryshe është gjithmonë e lavdëruar. Mund të dështojë, por të paktën nuk je kurrë pishman se dështove”, tha Veliaj./ Opinion.al
