Qeveria e Kosovës ka vendosur që prej 15 marsit të tërhiqet nga tarifa për lëndën e parë ndaj Serbisë dhe Bosnje e Hercegovinës.
Në një konferencë të jashtëzakonshme për media, kryeministri i vendit, Albin Kurti ka deklaruar se nëse Serbia dëshmon se do ndalë fushatën për ç’njohje ndaj Kosovës, qeveria do ta heqë tarifën 100% plotësisht më 1 prill 2020.
“Pas takimeve me sipërmarrësit vendas dhe prodhuesit tanë dhe leximit të analizës së reciprocitetit, e punuar nga Ministria e Ekonomisë. Kam ardhur tek ky qëndrim. Si Qeveri e Kosovës gjatë javës së ardhshme do të marrim vendim që nga data 15 mars 2020, të hiqet tarifa për lëndën e parë nga Serbia dhe Bosnja e Hercegovina, kjo si shenjë e mirë”, tha Kurti.
“Ftojmë Serbinë që të zotohet se do të ndërpres fushatën për çnjohje dhe të nis eliminimin për barrierat ndaj Kosovës. Nëse pala serbe zotohet për këtë, atëherë duke filluar nga data 1 prill Qeveria e Kosovës do të tërheq tërësisht tarifën në një periudhë prej 90 ditësh. BE të liberalizojë vizat para Samitit të Zagrebit. Nëse Serbia nuk i heq barrierat dhe nuk pushon fushatën e çnjohjes, atëherë qeveria do të nis prej datës 1 prill reciprocitetin gradual. Nëse pala serbe nuk reflekton as pas kësaj atëherë, Qeveria e Kosovës nga data do të rikthej tarifën”, tha Kurti.
