Kryeministri Albin Kurti, ka zhvilluar një takim ditën e sotme me Shefin e Misionit të OSBE-së në Kosovë, ambasadorin Michael Davenport.
Gjatë takimit, Kurti dhe Davenport folën për çështje aktuale dhe për fushat ku OSBE-ja mbështet qeverinë dhe institucionet e Kosovës.
Ndër të tjera, kryeminstri Kurti dhe Davenport nuk kanë lënë pa diskutuar mbarëvajtjen e zgjedhjeve të parakohshme në komunat veriore të Kosovës.
Komunikata e plotë:
Bashkëpunimi aktual ndërmjet Qeverisë së Republikës së Kosovës dhe Organizatës për Siguri dhe Bashkëpunim në Evropë (OSBE) ishte në qendër të takimit ndërmjet Kryeministrit të Republikës së Kosovës, Albin Kurti, dhe Shefit të Misionit të OSBE-së në Kosovë, ambasadorin Michael Davenport.
Kryeministri Kurti dhe ambasadori Davenport folën për çështje aktuale dhe për fushat ku OSBE-ja mbështetë Qeverinë dhe institucionet e Republikës së Kosovës. U theksua angazhimi i përbashkët për parandalimin e dhunës në baza gjinore ndaj grave dhe vajzave.
U bisedua edhe për mbarëvajtjen e zgjedhjeve të parakohshme në komunat veriore të Republikës së Kosovës.
U vlerësua përkushtimi për forcimin e zbatimit të Ligjit për Përdorimin e Gjuhëve Zyrtare, nëpërmjet themelimit të Njësisë së Përkthimit dhe Harmonizimit, në kuadër të Zyrës së Kryeministrit./Opinion.al
