Rajoni

Kurti: Përfshirja e Ballkanit në BE do të ketë përfitime ekonomike


Bëhu pjesë e Grupit Zyrtar të Opinion.al
>> KËTU <<
               Publikuar në : 17:37 - 01/09/21 |
Opi Nion

Kryeministri i Kosovës Albin Kurti, u shpreh në Forumin Strategjik të Bled në Slloveni se përfshirja e Ballkanit në BE sjell përfitime për të dyja palët.

Kurti tha se tashmë Kosova ka institucione të qëndrueshme dhe demokratike, teksa tha qeveria e tij do të vijojë procesin e reformave.

Kryeministri i Kosovës theksoi se Kosova dhe pse është vend i varfër, iu përgjigj thirrjes për të ndihmuar afganët.

“Kosova ka insitutucione të qëndrueshme. Rezultatet demokratike, të zgjedhjeve demokratike sollën dhe efekte ekonomike. Për 7 mujorin e këtij viti eksportet u rritën mbi 60%. Të ardhurat e administratës me 28%. Parashikojmë një rritje prej 6.9% të ekonomisë për këtë vit. Duhet të ecim me zgjerimin e BE dhe me reformat e brendshme në vendin tonë. Besoj se duhet të ketë një sërë reformash në sistemin e vendimmarrjes në BE. Kemi pritur 2000 afganë në Kosovë. Jemi vend i varfër, por kur bëhet pjesë për çështjet humanitare nuk themi jo. Besoj se përfshirja e gjashtëshes së Ballkanit në BE do të ketë përfitime për të dyja palët. Së pari kufiri i jashtëm i BE do të zvogëlohet. Përvec kësaj 1/3 e njerëzve të Ballkanin perëndimor nuk jetojnë në këto vende. Me përfshirjen tonë në BE këta njerëz do të jetojnë në të njëjtën hapësirë. Mbi 20% e PBB përbëhet nga të ardhurat e diasporës.”,-u shpreh Kurti./ Opinion.al

Pas