Në një konferencë të përbashkët me Sekretarin e Përgjithshëm të NATO-s Jens Stoltenberg, kryeministri i Kosovës, Albin Kurti tha se qeveria e tij do të sigurojë që politikat e ndjekura të jenë në të njëjtën linjë me ato euroatlantike.
Ndër të tjera, Kurti tha se Kosova do një rajon të qetë dhe se kërkojnë një zhvillim ekonomik.
“Qeveria ime dhe unë jemi të vendosur që të sigurojmë që politikat të jenë në linjë me linjat euroatlantike. Dua të shpreh vlerësimin më të lartë për NATO, një kontribut të madh për lirinë dhe ndërtimin e infrastrukturës gjatë luftës dhe sigurinë e vendit tonë. Kosova i ndan principet dhe do një rajon sa më të qetë. Duam të kemi zhvillim ekonomik”, deklaroi Kurti/Opinion.al
