Kryeministri Albin Kurti në konferencën e përbashkët me kancelarin gjerman Scholz ka bërë të ditur se në fund të këtij viti Kosova do të aplikojë për statusin e vendit kandidat në BE.
Ndër të tjera Kurti tregoi se nga Gjermania ka marrë edhe mbështetjen e plotë për anëtarësim në Këshill të Europës.
“Kërkesa jonë për mbështetje për anëtarësim në Këshill të Europës ka hasur në mirëkuptim të plotë, do të vazhdojmë edhe në aspiratën tonë për aplikim në BE fund të këtij viti”-tha Kurti.
Kurti e ka quajtur vizitë historike ardhjen e Scholz në Kosovë dhe tha se kjo po vjen në një moment vendimtar për rajonin.
