Kryeministri në detyrë i Kosovës, Albin Kurti, i është përgjigjur letrave të Presidentit Thaçi. Në një letër të dërguar Presidentit, Kurti shkruan se nuk heziton dhe nuk refuzon t’i përgjigjet kërkesës së Thaçit për të dërguar emrin e të mandatuarit për formimin e qeverisë.
Ai shkruan se do ta bëjë këtë por është ende në përgjigje të pyetjes që ai i ka drejtuar në letrën e tij të fundit Presidentit.
Kurti i ka këruar Thaçit të sqarojë atë që ai e quan standard të dyfishtë në praktikën kushtetuese lidhur me mocionin e mosbesimit.
“Do të jem në pritje të sqarimit tuaj, me shpresën se do të përdorni standardin e njëjtë që po pritni nga unë. Pas përgjigjes suaj mbase mund ta kem më të qartë arsyen pas këtij insistimi për t’u marrë me çështje dytësore e tretësore, në një kohë kur të gjithë duhet të bashkohemi në luftën kundër armikut të përbashkët- COVID-19”, mbyll letrën kryeministri në detyrë Albin Kurti. /Opinion.al
