Anëtarët e Lëvizjes Vetëvendosje votuan sot për zgjedhjen e kryetarit të ri.
Lëvizja Vetëvendosje lajmëroi se u mbyllën qendrat e votimit në të gjithë Kosovën.
Albin Kurti ishte kandidaturë e vetme në këto zgjedhje, teksa procesi zgjedhor u zhvillua pa probleme.
Pavarësisht thirrjeve të vet Kurtit, ata që dhanë dorëheqjen nga pozitat brenda partisë, si ish-kryetari Visar Ymeri, nuk morën pjesë në votim.
Ndërsa Vetëvendosje zgjedh kreun e ri, duket se ndasitë brenda partisë janë ende shumë të mëdha dhe figurat e saj kryesore po mendojnë hapur që të vazhdojnë rrugën politike të ndarë nga lëvizja që i bashkoi.
