Ishte në një vizitë në Telekomin e Kosovës, por Kryeministri Albin Kurti nuk tha asnjë fjalë e as nuk kërkoi falje për sulmin që iu bë gazetares së Tv Klan, Blerta Dalloshi Berisha, nga një prej truprojave tij një ditë më parë, teksa ajo po tentonte t’i bënte një pyetje kryeministrit.
Kurti ka injoruar edhe thirrjet e Asociacionit të Gazetarëve të Kosovës, që i ka kërkuar ta dënojë aktin dhe të lejojë gazetarët të bëjnë pyetje në interes të publikut. Kjo shoqatë i kërkoi edhe Policisë që të hetojë sjelljen e badigardit të Kryeministrit.
Televizioni Klan e konsideron rastin te papranueshëm dhe kërkon nga Kryeministri Kurti të distancohet, duke e dënuar atë dhe të përdorë të gjithë mekanizmat ligjorë, shtetërorë, për të marrë masa si ndaj përgjegjësit të këtij akti ashtu edhe për të mos penguar punën e gazetarëve.
Për rastin ka reaguar edhe Platforma Rajonale e Ballkanit Perëndimor, Safe Journalists.
Video që tregon momentin kur badigardi i Kurtit shtyn gazetaren Dalloshi është publikuar gjerësisht në kanale të ndryshme televizive dhe në internet.
Kjo nuk është hera e parë që i njëjti badigard bën një veprim të tillë.
Më 2 nëntor të këtij viti ai vepron ngjashëm kur një grup gazetarësh tentojnë t’i bëjnë pyetje kryeministrit.
Rasti tashmë është raportuar në Inspektoratin e Policisë së Kosovës dhe pritet që të merren masa, ndërkohë që ai është dënuar edhe nga partitë opozitare.
Nënkryetarja e Partisë Demokratike të Kosovës, Vlora Çitaku thotë se indiferenca e Kryeministrit karshi sulmit, është më e rrezikshme se vetë sulmi.
Muhamet Hamiti nga Lidhja Demokratike e Kosovës thotë se ky akt dhune nuk duhet të ishte toleruar nga Kurti, ndërsa Flutura Kusari, që avokon vazhdimisht për të drejtat e gazetarëve, thotë se është e tronditur nga rasti dhe i kujton Kryeministrit të Kosovës se mikrofoni përbën zero rrezik për të./Tv Klan
Ishte në një vizitë në Telekomin e Kosovës, por Kryeministri Albin Kurti nuk tha asnjë fjalë e as nuk kërkoi falje për sulmin që iu bë gazetares së Tv Klan, Blerta Dalloshi Berisha, nga një prej truprojave tij një ditë më parë, teksa ajo po tentonte t’i bënte një pyetje kryeministrit.
Kurti ka injoruar edhe thirrjet e Asociacionit të Gazetarëve të Kosovës, që i ka kërkuar ta dënojë aktin dhe të lejojë gazetarët të bëjnë pyetje në interes të publikut. Kjo shoqatë i kërkoi edhe Policisë që të hetojë sjelljen e badigardit të Kryeministrit.
Televizioni Klan e konsideron rastin te papranueshëm dhe kërkon nga Kryeministri Kurti të distancohet, duke e dënuar atë dhe të përdorë të gjithë mekanizmat ligjorë, shtetërorë, për të marrë masa si ndaj përgjegjësit të këtij akti ashtu edhe për të mos penguar punën e gazetarëve.
Për rastin ka reaguar edhe Platforma Rajonale e Ballkanit Perëndimor, Safe Journalists.
Video që tregon momentin kur badigardi i Kurtit shtyn gazetaren Dalloshi është publikuar gjerësisht në kanale të ndryshme televizive dhe në internet.
Kjo nuk është hera e parë që i njëjti badigard bën një veprim të tillë.
Më 2 nëntor të këtij viti ai vepron ngjashëm kur një grup gazetarësh tentojnë t’i bëjnë pyetje kryeministrit.
Rasti tashmë është raportuar në Inspektoratin e Policisë së Kosovës dhe pritet që të merren masa, ndërkohë që ai është dënuar edhe nga partitë opozitare.
Nënkryetarja e Partisë Demokratike të Kosovës, Vlora Çitaku thotë se indiferenca e Kryeministrit karshi sulmit, është më e rrezikshme se vetë sulmi.
Muhamet Hamiti nga Lidhja Demokratike e Kosovës thotë se ky akt dhune nuk duhet të ishte toleruar nga Kurti, ndërsa Flutura Kusari, që avokon vazhdimisht për të drejtat e gazetarëve, thotë se është e tronditur nga rasti dhe i kujton Kryeministrit të Kosovës se mikrofoni përbën zero rrezik për të./Tv Klan
