Një ushtar ka rënë pa ndjenja gjatë procedurave të kurorëzimit të mbretit Charles III gjatë ceremonisë në Kalanë e Cardiff në Uells.
Në media është publikuar video e momentit kur ushtari bie menjëherë në tokë.
Ai ishte pjesë e një përshëndetjeje ceremoniale me armë mbretërore të kryer nga Artileria Mbretërore e Regjimentit 104.
Kolegët e tij rreth tij mbetën të palëkundur dhe të pashqetësuar ndërsa vazhduan me procedurat, ndërkohë dy ushtarë kanë ndërhyrë në vendngjarje për ta larguar nga aty.
Shumë njerëz në Twitter kanë komentuar incidentin e ndodhur të ushtarit, ku shumica kanë kritikuar momentin e largimit të ushtarit nga ceremonia.
“Me gjithë seriozitetin shpresoj që djaloshi të jetë mirë. Fatmirësisht ai ra në bar. Zvarritja duket e padenjë, por kjo është mënyra e tyre”, shkruan një ndjekës.
Charles III është kurorëzuar të shtunën si mbret i Mbretërisë së Bashkuar, përmes një ceremonie solemne, që 1.000 vjet.Në të njëjtën ceremoni, gruaja e tij Camilla, është shpallur mbretëreshë.
Ky kurorëzim, i pari i një burri, prej vitit 1937, përbën vetëm ceremoninë e dytë të tillë, që transmetohet në një televizion me ngjyra.
Charles, 74-vjeçar, e ka marrë titullin e mbretit, pas vdekjes së nënës së tij, Mbretëreshës Elizabeta II, në shtator të vitit të kaluar./Opinion.al
