Një 16-vjeçar është gjetur i pa jetë nga familjarët e tij natën e ndërrimit të viteve, teksa është ngjitur në tarracën e shtëpisë për të ndezur një fishekzjarr.
Ngjarja e rëndë ka ndodhur në natën e ndërrimit të viteve në fshatin Sanxhak të Kurbinit. Burime zyrtare thonë se nga hetimet paraprake rezulton se adoleshenti ka hipur në tarracë të shtëpisë për të plasur fishekzjarre dhe është gjetur më pas nga familjarët, pa shenja jete dhe me një dëmtim në kokë. 16-vjeçari K.GJ, është dërguar në spital nga familjarët rreth orës 01:00, por pa shenja jete.
Mbeten ende të paqarta rrethanat e vdekjes së të riut, ndërsa pritet ekspertiza mjeko-ligjore për përcaktimin e shkakut të vdekjes.
