Qindra besimtarë myslimanë falën mëngjesin e kësaj të diele namazin e Kurban Bajramit. Presidenti i Republikës Ilir Meta ka uruar të gjithë besimtarët myslimanë që festojnë sot Kurban Bajramin.
Nëpërmjet një mesazhi rrjetet sociale, kreu i shtetit përtej urimit dërgon dhe një mesazh për klasën politike ku bën thirrje që të lihen mënjanë interesat personale për të menduar më shumë për interesin e përbashkët kombëtar.
Kryeministri Edi Rama ka publikuar në Facebook përfundimin e punimeve të Xhamisë së Pazarit në Gjirokastër.
Postimin e tij, ai e ka shoqëruar edhe më urimin për besimtarët myslimanë.
“Me këto pamje të punës së bukur për nxjerrjen në dritë të Xhamisë së Pazarit në Gjirokastër, GËZUAR KURBAN BAJRAMIN ”, shkruan Rama.
Nuk ka munguar urimi edhe nga kyetari i Partisë Demokratike Lulzim Basha.
“Të dashur vëllezër dhe motra besimtarë myslimanë, ju uroj nga zemra Gëzuar Festën e Sakrificës, këtë kremtim të shenjtë të fuqisë së besimit tek Krijuesi. Zoti ju faltë mirësi, mbarësi dhe shëndet ju dhe familjeve tuaja dhe Zoti e bekoftë Shqipërinë e shqiptarët kudo ku janë!”, shkruan Basha./ Opinion.al
