Kur quhesh ISIS e ke të ndalur të udhëtosh

Rani Isis Lake, 29 vjeç, nga Kent, është quajtur kështu sipas perëndeshës egjiptiane dhe gjithmonë ka tërhequr vëmendjen e njerëzve për emrin e pazakontë.
29-vjeçarja tregon se asnjëherë më parë nuk i kishin krijuar probleme, derisa një ditë u përpoq të rezervonte një biletë avioni për të fluturuar nga Toronto në Vankuver dhe kërkesa ju refuzua tri herë nga tri agjenci të ndryshme fluturimi. Pas dështimit të trefishtë, ajo bëri një rezervim duke përdorur emrin e parë Rani, kërkesë që ju konfirmua menjëherë. “Kjo është tërësisht qesharake dhe e padrejtë, por është gjithashtu edhe diskriminuese. Unë nuk dua ta ndryshoj emrin tim dhe nuk do ta bëj këtë”, thotë 29-vjeçarja.