Nga Gerta Zaimaj
Që pjeshka mund të jetë fruti i preferuar i shumë personave kjo nuk diskutohet. Madje, madje pëlqyeshmëria për të duhet jetë në nivele të larta, saqë të gjithë sot po e përdorin ketë fjalë jo vetëm në kuptimin e parë, por edhe në nënkuptime, për të etiketuar vajzat dhe gratë që janë sexy e simpatike. Kjo ndodh të paktën në Tiranë.
Nisur nga kjo më lejoni t’ju them dy fjalë për ato “pjeshka” që na dalin në ekran, e kam me ato, se ato na zënë hapësirë në mediat tradicionale e kombëtare si TV, na zënë hapësirë nëpër gazeta e revista, e së fundmi janë bërë virale e të pa shmangshme në median online, në vend që të na zinin sytë ndonjë material më edukative, promovim të një kulture për librin, informime shkencore, informime mbi shëndetin etj. Në vend të tyre si pa pritur, e pa kuptuar na përplasen në fytyre ca “të pasme” e “të parme”!
Por pse ndodh kjo? Kjo ndodh për disa arsye që është mirë të përmenden. Ne që vijmë nga gazetaria e dimë shumë mirë se mes gjërave që shesin para audiencave janë femrat dhe seksi. Aq në tepër në Shqipëri, ku ende mund të thuhet se në një far mënyre është tabu, në kuptimin që nuk ka informacione të zgjeruara për të ne disa zona të thella të vendit, e hapësira për të parë të tilla skena ka ngelur ekrani.
Pra janë materiale që shkaktojnë shumë zhurmë, çka do të thotë se edhe pse mund të mos përcjellin ndonjë informacion edukues, por të bëjnë të kundërtën, për median me rëndësi është të “eci”, e nga ana tjetër një publik ende i pa mësuar, dëgjuar e njohur si duhet me këto, jo vetëm që e mirëpret, por s’ja ndan sytë ekranit në asnjë moment, sepse kjo është kultura e audiencës dërrmuese këtu. Ndaj edhe ndodh që fenomene si Iva, Gugu, Xhesika, e sa e sa të tjera, të promovohen pa bërë asgjë, vetëm mjafton që ato janë “pjeshka”, e jo vetëm kaq, por “pjeshka” që zhvishen në ekrane, vetëm e vetëm të bëhen të famshme.
Duke i përjashtuar gjykimet personale për personazhet më lartë, të cilat për veten e tyre janë karakteristike, më lejoni të gjykoj fort fenomenin. Se si në vendin tonë, veç të tjerash një vend me tradita të forta dhe fanatik, të kërkohet famë në çdo lloj mënyre, deri te zhveshja ekstreme. Se si fama, kamera dhe ekrani absolutisht të pa njohur nga ana e tyre, për mënyrën si funksionon dhe efektet që shkakton, ju duket atyre ende ”i madh”!
Zhveshja si veprim është akti njerëzore që tërheqë vëmendjen më të madhe ndër veprime të tjera, e sjell në media, merr përmasa edhe më të paparashikueshme. A e dini pse? Se efektet e ekranit janë të jashtëzakonshme dhe se nuk është i njëjti perceptim të shohësh një femër të zhveshur vetëm e në intimitet dhe komplet tjetër ta shohësh atë ashtu, në turmë.
Kujdes kritika nuk është për më modelet, të cilat atë e kanë punën e tyre, të jenë provokuese me (zh)veshjen, as me këngëtaret të cilat duhet të bëjnë për vete edhe me imazhin e tyre gjatë performanës, as me balerinat të cilat nuk do kishin ‘kuptim’ nëse do ishin të veshura ose më të veshura seç duhet.
Është për vajza të cilat pa bërë asgjë në jetë, në kuptimin e një pune, vepre, studimi, gjejnë mënyrën të vijnë në media vetëm nëpërmjet zhveshjes dhe fotove nudo. Jo vetëm kaq, por tani kanë gjetur edhe një metodë tjetër që duket se rezulton e suksesshme për audiencën shqiptare, ato kanë filluar të sajojnë edhe histori dashurie me ndonjë deputet të martuar, ose nëse kanë histori me deputet përpiqen që sa më parë të munden ta bëjnë publike, por pa përmendur asnjë emër, apo fakt konkret. Kështu publiku kur nuk e merr vesh nëse ajo që i serviret nga menyja e medias është apo jo e vërtetë. Ndodh që shumica e beson dhe diskuton tëre ditën, se kush është deputeti që ka tradhtuar bashkëshorten.
Ndaj ngihen disa pyetje thelbësore. Pse duhet të tregohet para publikut një histori e tillë, ashtu e coptuar dhe pa fakte? Çfarë vlere ka? Pse duhet të sillen modele të tilla, përpara minoreneve dhe adoleshenteve? Përse duhet që për t’u bërë e famshme të kesh një dashnor ministër? Përse na duhen të gjitha këto?!! Për këto nuk jep përgjigje askush, ama një gjë kuptohet, ato duhet të bëhen të famshme dhe duhet të jenë prezente qoftë edhe me historitë më të pa vlera.
Po ashtu prapë për famë, të tjera, në ekran rrëfejnë për jetën e tyre sentimentale, duke thënë se janë lezbike, apo biseksuale, me qëllim që të ‘bëjnë’ lajm, sepse kjo përbën akoma lajm në Shqipëri. Disa të tjera publikojnë foto nga krevati, nga klubi etj, e audienca është ajo që vlon në anën tjetër. Këto vajza kthehen në fabrikë lajmesh, dhe kështu zgjohesh një dite të bukur, e sheh që media është mbushur vetëm me “të pasme” dhe histori perverse.
Të rejat ndjekin modelin! Në facebook, instagram, profilet e vajzave të njohura, e të pa njohura, nuk marrin dot kuptim, pa publikuar të pasmet e tyre bombastike, e nëse nuk i kanë ashtu, i përpunojnë me photoshop.
Ju njoftoj se jemi tanimë zyrtarisht në “Epokën e të Pasmeve”. /Opinion.al
