Megjithëse ishte lajmëruar si ditë karantine e plotë, e diela pa në rrugët e qyteteve gra sëbashku me fëmijët e tyre të cilat u lejuan të dilnin pas urdhrit të kryeministrit Rama të shtunën.
Sot në një intervistë televizive, i pyetur se si e kalonte kohën gjatë kësaj situate Rama tha se pjesën më të madhe të ditës e kalon në zyrë ndërsa fundjavën në shtëpi duke respektuar rregullat siç tha ai.
Por duke u ndalur tek leja për gratë dhe fëmijët ditën e dielë kryeministri tha se duhej shtuar edhe një rregull tjetër që burrave që qëndrojnë në shtëpi tu hiqet përkohësisht liria nëse nuk bëjnë punët e shtëpisë ndërkohë që gratë janë jashtë.
“Kur them nënat me fëmijët mund të dalin burrat mund të rrinë në shtëpi unë rri në shtëpi. Një gabim kishte në vendim e nxjerrjes të nënave dhe fëmijëve që nuk u vendos një masë gjobe me heqje lirie të përkohëshme lirie për burrat që nuk kanë bërë punët e shtëpisë kur nënat kanë dalë. Kur të dalin nënat me fëmijët burrave t’u hiqet liria me kërkesë të grave në rast se nuk bëjnë punët e shtëpisë”, tha Rama. /Opinion.al
