Edlira dhe Alba, çifti i të njëjtës gjini që kurorëzuan dashurinë e tyre në martesë disa ditë më parë, ishin të ftuara mbrëmjen e sotme në emisionin “Opinion” në TV Klan. Ndër të tjera, ato folën edhe për komunitetin e tyre, madhësinë e tij dhe se sa të hapur janë njerëzit për të shfaqur preferencat e tyre seksuale.
Fevziu: Në cilat vite komuniteti juaj ka filluar të jetë aktiv? Sepse në publik ka qenë një komunitet i vogël që dilte e mbronte në përgjithësi. Kur ka filluar të jetë i organizuar dhe sa i madh është?
Edlira: Në fakt komuniteti i filloi organizimet e tij që në vitin 2009. Pastaj falë jush u bë më vizibël.
Fevziu: Emisionit “Opinion” e mbaj mend që ngjalli shumë debat në atë kohë.
Edlira: Aktivizmi ka qenë në format nga më të ndryshmet, siç ishin protestat.
Alba: Ka patur aktivizëm edhe para 2009, por ka qenë më i fshehur.
Fevziu: A është komunitet i madh?
Alba: Do thosha relativisht po.
Fevziu: Është kryesisht në Tiranë apo edhe në qytetet e tjera?
Alba: Ka kudo nëpër qytete, por ne nuk mund ta dimë sepse jo të gjithë janë të hapur. Shumë të tjerë nuk mund të dalin hapur në qytetet e vogla.
Fevziu: A e step njeriun kjo gjë që nuk del dot hapur për një preferencë të tij?
Alba: Jashtë mase shumë. Në një dokumentar kam thënë diçka dhe vazhdoj ta mendoj e sot e kësaj dite. Kur dola hapur ishte rilindja ime.
Fevziu: Është rilindja jote, pse?
Alba: Rilindja ime në kuptimin sepse, nuk duhet të gënjesh më me kë je apo ku po shkon.Në qoftë se dikush e pranon ok, nëse se pranon…
