Aktualitet

Kur do të vaksinohen mjekët? Rama: Bullgaria na ka premtuar disa doza


Bëhu pjesë e Grupit Zyrtar të Opinion.al
>> KËTU <<
               Publikuar në : 13:55 - 25/12/20 |
Semiljana Azizi

Në vizitën që zhvilloi te spitali COVID 1 për mjekët e infektivit, Kryeminstri i vendit u shpreh se është afër përmbylljes së një marrëveshje për vaksinën.

Ndër të tjera kreu i qeverisë premtoi se shumë shpejt, stafet e spitaleve Covid do të vaksinohen, duke theksuar se është çështje javësh.

“Unë jam shumë, shumë i kujdesshëm në fjalët, por jemi shumë afër përmbylljes së një marrëveshjeje me disa komponentë për vaksinën. Besoj se në fillim të vitit do të kemi edhe dozat e para dhe dozat e para sigurisht që janë për ju dhe do hidhet me short, do e bëjë përpara Najada apo ti Kalo (I drejtohet mjekut Tritan Kalo). Ju do vaksinoheni shumë shpejt, çështje javësh besoj. Pastaj do ta përshkallëzojmë”, tha Rama.

Sipas  kryeministrit jemi shumë pranë një marrëveshje me AstraZeneca. Ndërkaq ai foli edhe për sigurimin e vaksinës. Rama tha se janë në kontakte me disa prej kompanive që prodhojnë vaksinën anti COVID, por edhe me shtetet që tashmë e kanë siguruar atë.

“Është shumë situatë e vështirë për faktin që edhe shtetet e mëdha dozat që po marrin janë shumë më pak se ato që kishin parashikuar sepse baza prodhuese e SHBA-së, Presidenti i SHBA-së ka vendosur ndalimin e eksportit të çdo doze. Pjesa tjetër prodhuese që është jashtë SHBA-së ka më pak doza. Për fillimin është problem. Kam folur me disa kryeministra dhe ata nuk po i thonë publikisht shifrat se janë shumë më pak se ç’kishin premtuar. Ne jemi në komunikim me disa nga shtetet, sepse tani marrëveshjet bëhen shtet me shtet dhe pavarësisht marrëveshjes me kompanitë, Pfizerin, jemi shumë afër edhe me AstraZeneca. Edhe me Modernën jemi në diskutim, por Moderna ka një sasi shumë të vogël jashtë SHBA-së”.

Rama komentoi gjithashtu edhe lajmin se në Maqedoninë e Veriut, Bullgaria do të dhurojë disa doza vaksine. Të njëjtën gjë, shteti bullgar e ka premtuar edhe për Shqipërinë tha Rama dhe e falënderoi për gjestin.

U fol këtu për Maqedoninë e Veriut dhe ato janë 100 doza që Bullgaria ka deklaruar se do të japë njësoj si për ne. Ne nuk e kemi deklaruar këtë gjë se e para është një shprehje dashamirësi, por nuk është fakt dhe e dyta nuk kemi dashur të bëjmë fjalë, por jemi shumë afër dhe kemi besim që ekipi i infektivit, spitalet Covid do të jetë shumë shpejt”, tha Rama./Opinion.al

Pas