Armando Boja e ka nisur në mënyrë të shkëlqyer aventurën e tij te Burnley pasi që në ndeshjen e parë ka qenë protagonist. Shqiptari që i ishte besuar fanella e titullarit, dhuroi një asist që në prekjen e parë të topit.
Në ndeshjen e Kupës së Ligës ndaj Derbi Kaunti, sulmuesi i Kombëtares shqiptare që në minutën e katërt të takimit u tregua vendimtar pasi shmangu mbrojtësin dhe pasoi për Ramsei i cili me një gjuajtje të shpejtë shënoi golin e avantazhit.
Sulmuesi kuqezi luajti për 63 minuta dhe u vlerësua me notën 6.5 nga faqja e specializuar e statistikave “Sofa Score”. Në fund ekipi i Burnley arriti të fitojë 2-1 falë golit në minutën e 91 të Oliver Son.
Armando Broja u transferua te klubi anglez i Premier League dy javë më parë, por trajneri Scott Parker preferoi ta linte jashtë ndeshjeve të para, për të shmangur çdo rrezik dëmtimi.
