Ndeshja midis Argjentinës dhe Perusë është një nga ndeshjet që flitet shumë se është e manipuluar, edhe pse tashmë kanë kaluar katër dekada.
Ish-futbollisti i Perusë, Jose Velasquez ka deklaruar se ndeshja midis Argjentinës dhe Perusë është manipuluar nga 6 lojtarë të ekipit të tij.
“U vendos gjithçka në tavolinë dhe nisi nga një takim i presidentëve të dy shteteve Morales Bermudez dhe Jorge Videla, të dy në krye të dy diktaturave ushtarake. Më pas erdhi akordi mes dy stafeve të kombëtareve dhe një grupi lojtarësh” tha ish futbollisti peruan.
Në atë kohë diktatura ushtarake e vendosur në Argjentinë synonte titullin kampion bote, në mënyrë që të dukeshin ‘superior’ ndaj shteteve të tjera.
“Ndodhën shumë gjëra të çuditshme dhe ishin veprime dinake. Kujtoj që Videla erdhi në dhomat tona dhe na tha që vendet tona kishin bashkëpunuar gjithmonë. Ishte një kërcënim helmues. Portieri ynë me origjinë argjentinase nuk do luante por një orë para ndeshjes u konfirmua në formacion. të paktën 6 e shitën ndeshjen mes atyre në fushë” tha Jose Velasquez.
Argjentina fitoi në gjysmëfinale ndaj Perusë me rezultatin e thellë 6-0 duke shkuar kështu në finalen e botërorit, ku triumfoi ndaj Holandës me rezultatin 3-1, me dy golat e Mario Kempes dhe një gol të Daniel Bertoni-t.
