Ish-ministri i Ekonomisë Dritan Prifti është sëmurë. Ai vete ka bërë të ditur se ka një sëmundje gjaku agresive. Përmes një postimi në facebook, Prifti thotë se po vazhdon mjekimin që zgjat edhe për disa muaj dhe për këtë arsye nuk do të kandidojë për deputet në këto zgjedhje. Nga ana tjetër Dritan Prifti ka edhe një mesazh politik. Zgjedhjet pa opozitën, thotë ai janë të destinuara të dështojnë dhe do të përsëriten shpejt.
Dritan Prifti ishte minister në qeverinë Berisha, si përfaqësues i LSI. Ai ishte një nga miqtë e Ilir Metës, por më pas u bë kundërshtari më i madh i tij. Prifti dhe Meta u përfshinë në skandalin e video-përgjimeve që çoi më pas në protestat e 21 Janarit ku u vranë 4 persona në Bulevard.
Statusi i plotë i Dritan Priftit
Pershendetje miqte e mi.
E di qe jeni kurioz te dini nese une do kandidoj ne zgjedhjet e 18 qershorit. Nuk do kishte kenaqesi me te madhe per mua sesa te kisha mundesi te kandidoja dhe perfaqesoja perseri Ju ne politike. Por nuk mundem fizikisht. Kam mbi nje vit qe luftoj me nje semundje agresive dhe te veshtire gjaku. Kurimi vazhdon dhe pak muaj dhe nuk me jep mundesi te shkeputem per fushate. Kam bindjen qe do ta kaloj dhe kete siklet shpejt.
Nuk dua te merziteni. Keto zgjedhje nga menyra si po behen, pa opoziten, do deshtojne dhe do riperseriten shpejt. Lutjuni Zotit nese besoni qe une ta kaloj shpejt kete semundje dhe te jemi bashke ne momentin me te pare.
Une nuk do votoj ne keto zgjedhje. Nuk mendoj se dhe ju keni motiv te votoni. Shqiperia ka ecur mbrapa drejt varferimit dhe mungeses se demokracise. Megjithate askush nuk mendon per ju, nese nuk mendoni per vete. Nese do votoni, bejeni per interesin tuaj dhe askujt tjeter.
Ju perqafoj
Dritan Prifti
