Teksa sytë e gjithë botës janë te Irani hakmarrja e tij, një lëvizje e minutave të fundit ka ardhur nga Katari.
Katari ka pezulluar përkohësisht trafikun ajror.
BBC raporton se ekziston “një kërcënim i besueshëm” ndaj Qendrës së Operacioneve Ajrore të Koalicionit të drejtuar nga SHBA-të në Al-Udaid të Katarit.
Sipas informacioneve, Katari ka mbyllur përkohësisht hapësirën e tij ajrore dhe baza ajrore ndodhet në një gjendje të lartë gatishmërie.
Ministria e Jashtme e Katarit njoftoi në një postim në mediat sociale, se kjo është pjesë e një sërë masash paraprake që po merren bazuar në zhvillimet në rajon.
Katari është shtëpia e bazës më të madhe ushtarake amerikane në Lindjen e Mesme, bazës ajrore Al Udeid. Rreth 8,000 qytetarë amerikanë jetojnë atje, sipas Departamentit të Shtetit.
Al-Udaid është një bazë masive jashtë kryeqytetit të Katarit, Doha, dhe është selia e Centcom-it të SHBA-së për të gjitha operacionet e saj ajrore në Lindjen e Mesme, ku personeli ushtarak britanik shërben gjithashtu me rotacion.
Kërcënimi i minutave të fundit ndaj kësaj baze besohet se vjen nga një sulm i mundshëm raketor iranian.
Më herët gjatë ditës, ambasada amerikane në Katar lëshoi një paralajmërim për amerikanët në vendin e Gjirit që të “strehohen aty deri në njoftim të mëtejshëm”, ndërsa tensionet në rajon rriten.
Qeveria britanike ka ndjekur shembullin e SHBA-së duke këshilluar qytetarët e saj që të strehohen në Katar.
Duke cituar paralajmërimin e SHBA-së më herët të hënën, qeveria e Mbretërisë së Bashkuar tha në një deklaratë: “Nga një masë kujdesi, ne rekomandojmë që shtetasit britanikë në Katar të strehohen në vend deri në njoftim të mëtejshëm“.
