Kryetarja e Partisë İYİ (Partia e Mirë), në Turqi, Meral Akşener, reagoi ashpër në parlamentin turk, pas sulmit të armatosur të ndodhur në zyrat e partisë që ajo drejton.
Akşener, vendosi një seri… plumbash në podium ndërsa indirekt nisi një sulm verbal ndaj Presidentit Recep Tayyip Erdoğan, kundërshtarit të saj politik.
“Plumbat nuk do të na ndalojnë”, deklaroi ajo. Pastaj pyeti anëtarët e partisë së saj: “Kemi pasur sukses dhe kemi kapërcyer kaq shumë pengesa. A do të na ndalojë ky plumb? Një shkëndijë do të bëhet zjarr? “Do t’i rezistoni të gjitha kërcënimeve dhe shpifjeve. Më premtoni?”, pyeti ajo, ndërsa deputetët dhe anëtarët e Partisë së Mirë iu përgjigjen në kor: “Po, premtojmë”.
Fjalimi i Akşenerit arriti kulmin kur ajo mori plumbat në duar dhe filloi t’i lëvizte djathtas e majtas duke thënë: “Do të përballeni me të gjithë plumbat… të gjithë… dhe do të bëhet ‘diell’ për njerëzit tanë. Më premtoni? Në mëngjesin e 15 majit do t’i bëjmë të gjithë të buzëqeshin”, tha Akşener duke iu referuar zgjedhjeve presidenciale të majit.
Meral Akşener quhet “Zonja e Hekurt” nga shtypi në Turqi, ndonëse ajo vetë duket se i pëlqen të quhet “ulkonjë”./Opinion.al
