Presidenti i Turqisë, Recep Tajip Erdogan tha se do të vazhdojë të kundërshtojë anëtarësimin e Suedisë dhe Finlandës në NATO edhe pse do të ketë një bisedim me dy shtetet nesër.
BBC shkruan se Erdogan diskutoi sot këtë çështje me kryeministrin holandez dhe po planifikon të flasë edhe me Britaninë nesër për këtë çështje.
Presidenti turk ka qenë i zëshëm në kundërshtimin e tij ndaj bashkimit të dy vendeve në aleancën ushtarake.
Ai vijon të mbajë qëndrimin e tij kundërshtues për antarësimin e Finlandës dhe Suedisë për t’iu bashkuar aleancës ushtarake.
Kujtojmë se presidenti i Turqisë ka dalë kundër anëtarësimit të dy vendeve nordike në NATO, ndërsa ditë më parë ka deklaruar se Suedia nuk duhet të presë që Turqia ta mbështesë me anëtarësimin në NATO, “pa kthyer terroristët.”/Opinion.al
