Ministria e Kulturës Mirela Kumbaro, të enjten, pas ndërprerjes së seancës është parë të ndryshojë rrugë gjatë kohës që ka dalë nga Kuvendi, për të mos u përballur me protestuesit e shumtë që kundërshtojnë votimin e projektligjit për prishjen e godinës së Teatrit Kombëtar.
Pamjet e një video të publikuar nga BalkanWeb, tregojnë ministren Kumbaro, e cila është edhe një nga të akuzuarit për këtë vendim, të dalë nga Kuvendi dhe të ndryshojë rrugën për të shmangur protestuesit.
Pas orësh debatesh e përplajsesh në seancën parlamentare të ditës së sotme për Teatrin Kombëtar ende asgjë nuk është vendosur.
‘News24’ raporton se votimet për projektligjin e Teatrit pritet të zgjasin deri në mesnatë.
