Ministrja e Turizmit, Mirela Kumbaro gjatë aktivitetit për bilancin e sezonit turistik njoftoi se po rishikohet ligji aktual për turizmin dhe projektligji është hedhur për konsultim publik.
Gjatë fjalës së saj, ministrja lajmëroi që po hartohet edhe strategjia e re të turizmit 2024-2030, që do jetë gati brenda këtij viti.
“Kemi tre kantiere të rëndësishme, rishikimi ligjit aktual. Ky projektligj është hedhur për konsultim publik. Duhet të nxisim mbështesim sektorin privat, por të garantojmë konkurrencë të ndershme. Do u jemi mirënjohës që ta jepni sugjerime të jeni pjesë e bashkëhartimit të draftit final. Kemi në përgatitje edhe strategjinë e re të turizmit 2024-2030, puna do kryhet brenda këtij viti dhe vitin tjetër do jemi në tryezat e konsultimi”, tha Kumbaro.
Ndër të tjera, Kumbaro thotë se duhet më shumë punë sa i takon menaxhimit të mbetjeve.
Ajo vlerësoi dy bashki për punën e bërë, Sarandën dhe Shkodrën.
“Nuk mund të krenohemi me detin, nëse rrugët i kthejmë në hospote plehrash. U jam mirënjohëse shumë kryetarëve që kemi qenë nën stop në komunikim për të përballuar një behar të pazakontë. Do përmend dy bashki, Sarandën dhe Shkodra, ku kryetari i gjeti në një situatë të rëndë sa i takon menaxhimit të mbetjeve, na u desh të futeshim me ushtri”, shtoi Kumbaro./Opinion.al
