Gianni Russo, aktori që ka interpretuar në filmin “Kumbari”, ka bërë disa deklarata të forta mbi vdekjen e Presidentit, John F. Kennedy.
75-vjeçari që luante rolin e Carlo Rizzi, shprehet se vrasësi famëkeq Lee Harvey Oswald nuk ishte ai që vrau Kennedyn.
“Tre familje kishin tre qitës të ndryshëm për ta vrarë më 22 nëntor 1963. Unë e di se kush e vrau në të vërtetë. Nuk ishte Lee Harvey Oswald. Ishte Johnny Roselli ai që qëlloi dhe e vrau. Ai po qëndronte në kanal dhe kishte pamjen më të mirë”, deklaron aktori në një intervistë ekskluzive për “Daily Mail”.
Russo tregon se ai ka pasur lidhje të forta me bosët italianë të mafias Frank Costello, Sam Giancano dhe Carlo Gambino dhe shprehet se të njëjtët mafiozë që e sollën në pushtet Kenedyn, ishin ata që e eleminuan atë së bashku me vëllain e tij, Robert.
Më tej, aktori i famshëm thotë se hetimet po shkonin drejt vrasësit të vërtetë, por, përpara se ai të dëshmonte, e vranë:
“E gjetën të copëtuar në një valixhe”, shton ai.
Në fund ai u pyet nëse ishte i frikësuar nga mafia pas këtij rrëfimi, ndërsa Russo u përgjigj shkurt:
“Nuk ka pse të jem sepse nuk ka më njeri këtu, kanë vdekur të githë”.
